Жиззахдаги Марказий стадионда таъмирлаш ишлари олиб борилаётгани муносабати билан, Ўзбекистон Кубоги 1/8 финал жавоб ўйинлари қаторидан ўрин олган «Сўғдиёна» – «Металлург» ўйини Бекободда бўлиб ўтади.

«Сўғдиёна» ҳамда «Металлург» жамоалари ўртасидаги Ўзбекистон Кубоги 1/8 финал жавоб ўйини 5 июль куни Бекобод шаҳрида бўлиб ўтади. Бекобод шаҳрида бўлиб ўтган биринчи ўйинда «Металлург» 3:1 ҳисобида ғалаба қозонган эди.

Ўзбекистон Кубоги 1/8 финал жавоб учрашувлари 4 ва 5 июль кунлари бўлиб ўтади. Чоршанба куни «Олмалиқ» – «Андижон» ҳамда «Пахтакор» – «Навбаҳор» ўйинлари бўлиб ўтса, пайшанба куни «Гулистон» – «Насаф», «Бухоро» – «Динамо», «Шўртан» – «Бунёдкор», «Қизилқум» – «Машъал» ўйинлари бўлиб ўтади.