"Барселона" ва Уругвай терма жамоаси ҳимоячиси Рональд Араухо жарроҳлик амалиётига муҳтож бўлиши мумкин, дея хабар беради клуб расмий сайти.
23 ёшли футболчи Эрон билан ўртоқлик учрашувида (0:1) жароҳат олганди. Манбага кўра, уругвайлик футболчи ўнг сонининг мушак пайларини жиддий шикастлаб олган.
Қатарда бўлиб ўтадиган жаҳон чемпионати муносабати билан Араухо ва унинг вакиллари жароҳатни даволашга кўпроқ ёрдам берадиган жарроҳлик муолажаларини ўтказиш ҳақида тезроқ қарор қабул қилишлари керак. Аниқ қарор яқин икки кун ичида қабул қилинади.
Жорий мавсумда Араухо "Барселона" сафида барча мусобақаларда 7 та ўйин ўтказди ва гол ура олмади.
