Англия аёллар жамоасининг сўнгги Европа чемпионатидаги ғалабаси Туманли Албионда аёллар футболининг машҳурлигига ҳисса қўшди.
Аёллар Суперлигасининг яқинда бўлиб ўтган "Арсенал" ва "Тоттенхэм" жамоалари ўртасидаги баҳсида трибуналарда рекорд даражадаги 47 367 томошабинни йиғилди.
Шу билан бирга, "канонирлар" 53 757 та чипта сотилгани ҳақида хабар беришди, бу ҳам рекорд кўрсаткичдир.
"Арсенал" аёллар жамоаси "Эмирейтс"да "Тоттенхэм"ни 4:0 ҳисобида мағлуб этди.
Эслатиб ўтамиз, июль ойи охирида Англия аёллар терма жамоаси илк бор Европа чемпиони бўлганди.
Финалда “шерлар” Германия терма жамоасини 2:1 ҳисобида мағлуб этишган. "Уэмбли"даги ўйинга 87 мингдан ортиқ одам ташриф буюрганди.
