Қатарда бўлиб ўтадиган жаҳон чемпионати бу мавсум клублар, айниқса, Чемпионлар лигаси иштирокчилари учун ноодатий бўлади. ЕЧЛ гуруҳ босқичи сентябрь ойининг биринчи ҳафтасида бошланди ва деярли икки ой давом этади, Мадриднинг “Реал” клуби 2 ноябрь куни "Бернабеу"да “Селтик”га қарши баҳс билан уни якунлайди.

Октябрь ойидаги Ла Лига етакчиларининг тақвими жуда тиғиз бўлади, Карло Анчелотти жамоасини 27 кун ичида 9 та ўйин кутмоқда. 2 октябрь куни “қаймоқранглилар” “Осасуна”га қарши ўйинда чемпионатга қайтади, кейин Мадридда Чемпионлар лигасида “Шахтёр” билан (5 октябрь), Ла Лигада “Хетафе” билан сафарда (8 октябрь) ва яна “Шахтёр” билан меҳмонда ўйнайди (11 октябрь).

Жуда тиғиз даврдан сўнг мадридликлар мавсумнинг илк классикосига 4-5 кунлик қисқа танаффус олади - ўйин 16 октябрда "Бернабеу"да бўлиб ўтади. Бу “қаймоқранглилар” учун "Барселона"га қарши аввалги икки мағлубият (0:1, 0:4) аламини олиш учун яхши имконият бўлади.

Классикодан сўнг деярли дарҳол Карло Анчелотти шогирдлари "Эльче" меҳмони бўлишади (19 октябрь) ва сўнг "Севилья"ни қабул қилишади (23 октябрь) - бу мадридликлар учун собиқ бош мураббий Хулен Лопетегига қарши яна бир муҳим ўйин. "Лейпциг"га сафар 25 октябрда бўлиб ўтади, "Жирона" эса "Бернабеу"га 30 октябрда ташриф буюради.

Машғулотлардан сўнг, "Реал Мадрид" футболчилари учун Қатарга сафар олдидан яна учта ўйин бор: "Селтик"га қарши ўз майдонида (2 ноябрь), сафарда "Райо Вальекано"га (6 ноябрь) ва "Кадис"га қарши ўз уйида (9 ноябрь). Жаҳон чемпионати олдидан 5 ҳафта ичида жами 11 та ўйин Мадрид клуби учун Ла Лига ва Чемпионлар лигасидаги юқори ўринларини сақлаб қолиш жуда муҳим бўлади, чунки ўйинчилар Қатардаги мундиалдан сўнг қандай ҳолатда сафга қайтишини ҳеч ким билмайди.