"Манчестер Юнайтед" "Эвертон" дарвозабони Жордан Пикфордни ўз сафига қўшиб олишни кўриб чиқмоқда, деб хабар беради The Telegraph.
"Манчестер Юнайтед" Пикфордни шартномаси шу ёзда тугайдиган Давид Де Хеа ўрнига ўринбосар сифатида кўрмоқда.
"МЮ" ўйинчиларнинг маошларига харажатларни қисқартирмоқчи ва Де Хеа жамоанинг энг кўп маош олувчи футболчиларидан бири. 2019 йилда Де Хеа имзолаган янги шартномага кўра, у ҳафтасига 350 минг фунт маош олади.
28 ёшли Пикфорднинг "Эвертон" билан шартномаси 2024 йилнинг ёзига қадар тузилган. Transfermarkt англиялик дарвозабоннинг нархини 28 миллион еврога баҳоламоқда.
