"Бавария" спорт директори Ҳасан Салиҳамиджич жамоа бош мураббийи Юлиан Нагельсманн билан бўлган суҳбат ҳақида гапирди.

"Биз Юлиан билан мавсум бошланишининг барча жиҳатлари, жумладан, ижобий томонлари ҳақида гаплашдик, чунки мавсум аввалида нафақат мағлубият, балки бошида кўп гол урилган ва Чемпионлар лигасида гол ўтказиб юбормаган иккита ғалаба ҳам бор эди. Терма жамоаларнинг ўйинларидан сўнг биз бошқача ҳаракат қиламиз. Мен буни кутяпман. Жисмоний фаоллик, ҳар бир ўйинда максимал натижага эришиш истаги ва тайёрлиги муваффақият учун зарур шартдир", - дея Салиҳамиджичнинг сўзларидан иқтибос келтиради Eurosport.de.

"Бавария" 7 турдан кейин 12 очко билан Бундеслига турнир жадвалида бешинчи ўринда бормоқда. Чемпионлар лигасида жамоа C гуруҳида мюнхенликлар биринчи ўринни эгаллаб турибди (6 очко).