"Манчестер Юнайтед"нинг собиқ футболчиси Патрис Эвра ҳужумчи Криштиану Роналдунинг манкунианликлар клубидаги ҳолати ҳақида ўз фикрини айтди.
"Роналдуни захирага ўтказиш - бу жуда катта қарор. Бу унга адолатсизликдек туюлиши мумкин, чунки у ўтган мавсумда 18 га яқин гол урди. Аммо жамоада якуний қарорни қабул қиладиган бош мураббий бор. Ўйлайманки, мураббий Роналду билан гаплашиши керак", - дея франциялик футболчининг сўзларини келтиради The Sun.
37 ёшли португалиялик жорий мавсумда АПЛда 6 та ўйин ўтказиб, гол ура олмади. Ёзда футболчи “Манчестер Юнайтед”ни тарк этмоқчи эди.
