"Manchester Yunayted"ning sobiq futbolchisi Patris Evra hujumchi Krishtianu Ronalduning mankunianliklar klubidagi holati haqida o‘z fikrini aytdi.
"Ronalduni zaxiraga o‘tkazish - bu juda katta qaror. Bu unga adolatsizlikdek tuyulishi mumkin, chunki u o‘tgan mavsumda 18 ga yaqin gol urdi. Ammo jamoada yakuniy qarorni qabul qiladigan bosh murabbiy bor. O‘ylaymanki, murabbiy Ronaldu bilan gaplashishi kerak", - deya fransiyalik futbolchining so‘zlarini keltiradi The Sun.
37 yoshli portugaliyalik joriy mavsumda APLda 6 ta o‘yin o‘tkazib, gol ura olmadi. Yozda futbolchi “Manchester Yunayted”ni tark etmoqchi edi.
