Шанба куни Арманистон ва Украина терма жамоалари ўртасида Миллатлар лигаси гуруҳ босқичидан ўрин олган учрашув бўлиб ўтди. Учрашув Александр Петраков шогирдларининг 5:0 ҳисобидаги йирик ғалабаси билан якунланди.
Ушбу учрашувни ўн мингга яқин мухлис стадиондан бевосита кузатиб борди. Журналист Эндрю Тодоснинг тарқатган маълумотига қараганда, Россия паспортига эга бўлган шахслар учун ушбу учрашувга чипталарни сотиш тақиқланган.
Кечаги муваффақиятдан сўнг Украина терма жамоаси ўз гуруҳида иккинчи ўринни эгаллаб турибди. Арманистон охирги ўринни банд этиб турибди.
Сўнгги турда Украина терма жамоаси Шотландияга қарши баҳс олиб боради. Учрашув 27 сентябрь, сешанба куни бўлиб ўтади.
