Shanba kuni Armaniston va Ukraina terma jamoalari o‘rtasida Millatlar ligasi guruh bosqichidan o‘rin olgan uchrashuv bo‘lib o‘tdi. Uchrashuv Aleksandr Petrakov shogirdlarining 5:0 hisobidagi yirik g‘alabasi bilan yakunlandi.

Ushbu uchrashuvni o‘n mingga yaqin muxlis stadiondan bevosita kuzatib bordi. Jurnalist Endryu Todosning tarqatgan ma’lumotiga qaraganda, Rossiya pasportiga ega bo‘lgan shaxslar uchun ushbu uchrashuvga chiptalarni sotish taqiqlangan.

Kechagi muvaffaqiyatdan so‘ng Ukraina terma jamoasi o‘z guruhida ikkinchi o‘rinni egallab turibdi. Armaniston oxirgi o‘rinni band etib turibdi.

So‘nggi turda Ukraina terma jamoasi Shotlandiyaga qarshi bahs olib boradi. Uchrashuv 27 sentyabr, seshanba kuni bo‘lib o‘tadi.