Англия терма жамоасининг амалдаги бош мураббийи Гарет Саутгейт 2022 йилги Жаҳон чемпионатида жамоа ёмон ўйин кўрсатса, ўз лавозимидан кетиши мумкинлиги ҳақидаги саволга жавоб берди.
“Мен аҳмоқ эмасман ва ҳамма нарсани яхши тушунаман. Ҳозир терма жамоани Жаҳон чемпионатига тайёрлаяпман, яхши натижага эришишимиз керак. Менинг келажагим шу турнирга боғлиқлигини жуда яхши тушунаман. Амалдаги шартнома мени ҳимоя қилади деб ўйлайдиган даражада мағрур эмасман", - деди мураббий The Guardian билан суҳбатда.
Қатарда бўлиб ўтадиган Жаҳон чемпионати гуруҳ босқичида Англия "В" гуруҳида иштирок этади.Унинг рақиби АҚШ, Эрон ва Уэльс терма жамоалари бўлади.
