"Манчестер Юнайтед"нинг собиқ ярим ҳимоячиси Пол Скоулз Хуан Себастьян Верон билан бирга ўйнаганини эслади.
Англиялик футболчининг сўзларига кўра, "Манчестер Юнайтед"да унинг учун бошқа ярим ҳимоячилар билан бирга анча қулайроқ эди.
“Мен Батт, Кин, Кэрриклар билан ўйнадим ва ҳамма билан яхши тил топишдим. Менга чуқурроқ ўйнай оладиган одам керак эди, ёнимдан эса Верондек ҳужумкор ўйинчи чиққанида муаммоларга дуч келдим. Бизнинг биргаликдаги ўйинимиз шунчаки фалокат эди: иккаламиз ҳам ҳимояга аҳамият бермайдиган ва ҳимояланишни билмайдиган бир хил йигитлар эдик, шунинг учун жуфтлигимиз яхши ишламади. Ёнимда тактик жиҳатдан интизомли футболчи бўлиши керак эди” - деди Скоулз.
