Франция терма жамоаси бош мураббийи Дидье Дешам жамоасининг Дания билан ўйиндаги омадсизлиги ҳақида ўз фикрлари билан ўртоқлашди.
Миллатлар Лигаси учрашуви данияликларнинг 2:0 ҳисобидаги ғалабаси билан якунланди. Французлар олти ўйиндан кейин беш очко жамғарган ҳолда гуруҳда учинчи ўринни эгаллади. Биринчи ўринни хорватлар, иккинчи ўринни данияликлар, охирги ўринни эса Австрияга эгаллади.
"Менимча, буни инқироз деб ҳисоблаш мумкин эмас. Бизда гол уриш учун жуда кўп имкониятлар бўлди. Бугун ёш жамоа ўйнади, кўпчиликда эса юқори савияда ўйнаш тажрибаси кам. Хавотирланиш учун асос кўрмаяпман. Нафақат биз, балки бошқа кўплаб кучли жамоалар ҳам мағлуб бўлмоқда", — деди Дешам матбуот анжуманида.
