Fransiya terma jamoasi bosh murabbiyi Didye Desham jamoasining Daniya bilan o‘yindagi omadsizligi haqida o‘z fikrlari bilan o‘rtoqlashdi.
Millatlar Ligasi uchrashuvi daniyaliklarning 2:0 hisobidagi g‘alabasi bilan yakunlandi. Fransuzlar olti o‘yindan keyin besh ochko jamg‘argan holda guruhda uchinchi o‘rinni egalladi. Birinchi o‘rinni xorvatlar, ikkinchi o‘rinni daniyaliklar, oxirgi o‘rinni esa Avstriyaga egalladi.
"Menimcha, buni inqiroz deb hisoblash mumkin emas. Bizda gol urish uchun juda ko‘p imkoniyatlar bo‘ldi. Bugun yosh jamoa o‘ynadi, ko‘pchilikda esa yuqori saviyada o‘ynash tajribasi kam. Xavotirlanish uchun asos ko‘rmayapman. Nafaqat biz, balki boshqa ko‘plab kuchli jamoalar ham mag‘lub bo‘lmoqda", — dedi Desham matbuot anjumanida.
