Миланнинг “Интер” клуби ярим ҳимоячиси Марсело Брозович Хорватия терма жамоаси сафида жароҳат олди. Ярим ҳимоячи кеча бўлиб ўтган Миллатлар лигасининг гуруҳ босқичидан ўрин олган Австрия термасига қарши ўйинда (3:1) жароҳат олганди.
Марсело биринчи бўлим бошида мушаклари шикастлангани учун алмаштирилди. Унинг ўрнига Ловро Маер майдонга тушди. Брозовичнинг тикланиш вақти ҳозирча маълум эмас.
29 ёшли ярим ҳимоячи жорий мавсумда 7 та ўйинда майдонга тушиб, 2 та гол урди ва 5 та сариқ карточка олди.
Хорватнинг "нерадзуррилар" билан шартномаси 2026 йилнинг ўрталарига қадар тузилган.
