“Брайтон” ҳужумчиси Леандро Троссард Лондоннинг “Челси” клубига ўтиши мумкинлиги ҳақида гапирди.
“Брайтоннинг собиқ бош мураббийи Грем Поттер энди “Челси”ни бошқаради. Агар улар менга таклиф қилишса, мен "пенсионерлар" сафига қўшиламан. Аммо мен захирадагилар ўриндиғида ўтиришни эмас, балки ўйнашни хоҳлаётганимни дарҳол таъкидламоқчиман", - деди ҳужумчи.
Англия Премьер-лигасининг жорий мавсумида 27 ёшли белгиялик олти учрашувда иккита гол урди ва иккита голли узатмани амалга оширди. Унинг "чайқалар" билан шартномаси 2023 йилнинг ёзига қадар мўлжалланган бўлиб, унинг бозор нархи 25 миллион еврога баҳоланмоқда.
