Дидье Дешамнинг фикрича, Карим Бензема "олтин тўп"ни қўлга киритиши керак.
"Умид қиламанки, Бензема ғалаба қозонади, чунки у муҳим совринларни қўлга киритган клуб ва Миллатлар лигасида ғолиб чиққан терма жамоа билан мавсум давомида қилган барча ишларини ҳисобга олсак, у бунга лойиқ.
Бир неча йил давомида Бензема дунёнинг энг яхши ҳужумчиларидан бири бўлиб келмоқда. Менимча, унда жуда яхши имконият бор. Карим бу совринни олса, жуда хурсанд бўламан. Албатта, бу жаҳон чемпионатида биз учун устунлик бўлади”, - деди франциялик мураббий.
“Олтин тўп” соҳиби номи 17 октябрь куни тантанали маросимда аниқланади.
