"Ювентус" ҳужумчиси Душан Влахович инглиз клублари қизиқишига қарамай, туринликлар сафида ўйнашда давом этади. Бу ҳақда журналист Николо Скира твиттерда хабар берди.
Душан Влахович ҳозирча трансферга тайёр эмас. У "Ювентус" учун қиммат харид эди ва клуб унинг топ футболчига айланишига ишончи комил.
22 ёшли Влахович “Ювентус”га 2022 йилнинг январида “Фиорентина”дан 81,6 миллион евро эвазига келиб қўшилганди. Янги жамоаси учун ҳужумчи 29та ўйинда 13та гол урди ва 2та голли узатмани амалга оширди.
Томонлар ўртасидаги келишув 2026 йилда якунига етади.
