Ла Лига президенти Хавьер Тебас 2023 йил ёзги трансфер ойнасида "Барселона"га "молиявий дастак" деб аталадиган воситадан фойдаланишни тақиқламоқчи. Бу ҳақда Football Espana хабар бермоқда. Бироқ, бундай чекловлар қўйилишидан қатъий назар каталонияликлар "Манчестер Сити" ярим ҳимоячиси Бернарду Силвани ўз сафига қўшиб олмоқчи.
Эслатиб ўтамиз, ўтган ёзги трансфер ойнасида "Барселона" фейр-плей қоидаларига риоя қилиш, шунингдек, янги келганлар билан шартнома имзолаш учун бир нечта "молиявий дастак"ларга мурожаат қилишига тўғри келди.
"Барселона"нинг молиявий воситалари қандай ишлаган:
1) маълум йиллар давомида келажакдаги даромадлардан ҳуқуқларни сотиш эвазига дарҳол маълум миқдордаги пулни олиш
2) Barca Studios ҳуқуқларини қисман сотиш орқали пул олиш
