La Liga prezidenti Xavyer Tebas 2023 yil yozgi transfer oynasida "Barselona"ga "moliyaviy dastak" deb ataladigan vositadan foydalanishni taqiqlamoqchi. Bu haqda Football Espana xabar bermoqda. Biroq, bunday cheklovlar qo‘yilishidan qat’iy nazar kataloniyaliklar "Manchester Siti" yarim himoyachisi Bernardu Silvani o‘z safiga qo‘shib olmoqchi.
Eslatib o‘tamiz, o‘tgan yozgi transfer oynasida "Barselona" feyr-pley qoidalariga rioya qilish, shuningdek, yangi kelganlar bilan shartnoma imzolash uchun bir nechta "moliyaviy dastak"larga murojaat qilishiga to‘g‘ri keldi.
"Barselona"ning moliyaviy vositalari qanday ishlagan:
1) ma’lum yillar davomida kelajakdagi daromadlardan huquqlarni sotish evaziga darhol ma’lum miqdordagi pulni olish
2) Barca Studios huquqlarini qisman sotish orqali pul olish
