"Манчестер Юнайтед"нинг собиқ ҳужумчиси Эрик Кантона "қизил иблислар" акцияларининг жамоа мухлисларига сотилиши мумкинлиги ҳақида гапирди.
"Манчестер Юнайтед"нинг бутун дунё бўйлаб миллионлаб мухлислари бор. Агар акцияларнинг 50 фоизи сотувга қўйилган бўлса, нега улар битта одамга сотилиши керак? Уларни ўн миллионлаб одамларга сотиш мумкин. Шунда клубнинг бир қисми мухлисларга тегишли бўларди. Бу ҳозирги технология ёрдамида осонлик билан амалга оширилиши мумкин бўлган ажойиб ғоя", - деди Кантона The Athletic билан суҳбатда.
Эслатиб ўтамиз, 2005 йилдан бери "Манчестер Юнайтед" акциялари Глейзерлар оиласига тегишли.
“Қизил иблислар” жорий мавсумда Премьер-лигада 12 очко жамғарган ва турнир жадвалида 5-ўринни эгаллаб турибди.
