Португалия терма жамоаси ҳужумчиси Криштиану Роналду Миллатлар лигаси гуруҳ босқичи 5-тури доирасида Чехияга қарши ўйинда (4:0) бурни синганига қарамай, терма жамоанинг умумий гуруҳида машғулот ўтказди, деб хабар беради A Bola.
24 сентябрь, Роналду ҳаводаги курашда Чехия дарвозабони Томаш Вацлик билан тўқнашиб кетди. Натижада ҳужумчининг бурнидан қон кета бошлаган. Шунга қарамай, Роналду бутун ўйинни майдонда ўтказди ва голли узатмани амалга оширди.
27 сентябрь, сешанба куни Португалия терма жамоаси Миллатлар лигаси гуруҳ босқичининг 6-тури доирасидаги ўйинда Испания терма жамоаси билан ўйнайди. Учрашув Португалияда бўлиб ўтади. Ўйин Тошкент вақти билан 23:45да бошланади.
