"Ювентус" ҳужумчиси Душан Влахович фаолиятини "Арсенал"да давом эттириши мумкин, дея хабар бермоқда Calciomercato нашри.
Манбанинг хабарига кўра, инглиз клуби раҳбарияти 22 ёшли сербтялик футболчининг атрофидаги вазиятни кузатиб бормоқда ва келаётган қишда трансфер бўйича таклиф билан чиқишга тайёр.
Эслатиб ўтамиз, аввалроқ таниқли инсайдер Фабрицио Романо "Арсенал" ҳам, футболчининг ўзи ҳам ушбу трансфердан манфаатдор эмаслигини айтган эди.
Влахович жорий мавсумда “Ювентус” сафида 8 та ўйинда майдонга тушиб, 4 та гол урди. Сербиялик ҳужумчининг Турин клуби билан амалдаги шартномаси 2026 йилнинг ёзига қадар мўлжалланган.
