"Удинезе" ҳужумчиси ва "Барселона" тарбияланувчиси Херард Делофеунинг фикрича, ҳозирда каталонияликлар "Интер"дан кучлироқ кўринади.
"Барселона" келаси сешанба куни Чемпионлар лигаси доирасида Миланда "Интер" билан ўйнайди. Делофеунинг фикрича, "кўк-анорранглилар" устунликка эга: "Интер" билан қарама-қаршиликда "Барселона" фаворит ҳисобланади. Хави жамоаси яхшироқ кўринади ва улар тўпга эгалик қилиб, учрашувдаги биринчи голни кирита олсалар, ғалаба қозонишади”, - дейди 28 ёшли испаниялик футболчи.
Гуруҳ босқичининг дастлабки икки туридан сўнг “Барселона” ва “Интер” уч очкога эга. Ҳар икки жамоа Чехиянинг “Виктория” клубини мағлуб этди, аммо “Бавария”га имкониятни бой беришди.
