"Пари Сен-Жермен" ҳужумчиси Лионель Месси Париж клубидаги ҳужумкор шериклари - Неймар ва Килиан Мбаппе ҳақида ўз фикрлари билан ўртоқлашди.
"Неймар ва мен бир-биримизни ёддан биламиз, биз "Барселона"да ажойиб мавсумларни ўтказганмиз ва мен бундан ҳам кўпроқ вақт ўтказишни хоҳлайман. Кейин яна "ПСЖ"да учрашиш имконига эга бўлдик. Мен уни ҳар куни кўрганимдан жуда хурсандман.
Килианга келсак, у футбол майдонидаги ҳақиқий йиртқич, у яккама-якка ўйинда жуда кучли, доим бўш жой излайди, жуда тез ва голни зўр ҳис қилади. Килиан кўп йиллар давомида энг яхши футболчилардан бири бўлиб қолади", - деди Месси Оlе'га берган интервьюсида.
