"Ливерпуль" ёзги трансфер ойнасида "Ювентус" футболчиси Артур Мелони ижарага олди. "Мерсисайдликлар"нинг асосий таркибида бразилиялик футболчи ҳозиргача 13 дақиқа ўйнади. Инглиз клуби Артурдан ҳафсаласи пир бўлгани ва ярим ҳимоячи қишда "Энфилд"ни тарк этиши мумкинлиги ҳақида миш-мишлар пайдо бўлди. Бу хабарга 26 ёшли бразилиялик футболчининг агенти Федерико Пасторелло изоҳ берди.
“Футболчига мослашиш ва жисмоний ҳолатини тиклаш учун ҳар доим бир неча ҳафта керак бўлади, бу нормал ҳолат. Ҳамма бундан жуда хурсанд. Артур "Ливерпул"да ишлаш учун таътилдан воз кечди. Тез орада 100 фоиз тайёр бўлади", - деди Пасторелло La Gazzetta dello Sport билан суҳбатда.
