"Liverpul" yozgi transfer oynasida "Yuventus" futbolchisi Artur Meloni ijaraga oldi. "Mersisaydliklar"ning asosiy tarkibida braziliyalik futbolchi hozirgacha 13 daqiqa o‘ynadi. Ingliz klubi Arturdan hafsalasi pir bo‘lgani va yarim himoyachi qishda "Enfild"ni tark etishi mumkinligi haqida mish-mishlar paydo bo‘ldi. Bu xabarga 26 yoshli braziliyalik futbolchining agenti Federiko Pastorello izoh berdi.
“Futbolchiga moslashish va jismoniy holatini tiklash uchun har doim bir necha hafta kerak bo‘ladi, bu normal holat. Hamma bundan juda xursand. Artur "Liverpul"da ishlash uchun ta’tildan voz kechdi. Tez orada 100 foiz tayyor bo‘ladi", - dedi Pastorello La Gazzetta dello Sport bilan suhbatda.
