"Манчестер Юнайтед"нинг собиқ футболчиси Рио Фердинанд Англия терма жамоаси бош мураббийи Гарет Саутгейтнинг қароридан норози.
"Ливерпуль" вингери Трент Алехандер-Арнольд Саутгейтнинг қароридан кейин Миллатлар лигаси доирасида Германияга қарши кечадиган ўйинда иштирок этмайди. Шу билан бирга, инглизлар устози 23 ёшли футболчидан аввал нолимаган.
"Нима бўляпти, нега Трент Англия терма жамоаси таркибидан ташқарида? Мен буни тушунолмаяпман. Нега Саутгейт уни ўйин учун таркибга киритмасликка қарор қилганини билмайман. У бу яхши ўйинчи эканлигини тан олади, лекин айни пайтда ундан фойдаланишни рад этади" - деди Рио Фердинанд ўзининг подкастида.
