Ўзбекистон Кубоги 1/8 финал дастлабки ўйини Локомотив Нефтчи якунлангач, одатдагидек ўйиндан кейинги матбуот анжумани ўтказилди. Унда даставвал Нефтчи жамоаси бош мураббийи Юрий Саркисян иштирок этди ва журналистларнинг саволларига жавоб қайтарди.

Учрашувдан кўнглингиз тўлдими? Футболчиларнинг ўйинидан қониқдингизми?
- Жудаям ёқди. Албатта, икки гол ўтказиб юбордик. Иккинчи бўлимда сал ўзимизга келдик, аммо иккинчи голни ўтказиб юборган вазиятда марказий ҳимоячиларимиза қаерга қарашди, буни мен тушунмадим. Кўп вазиятларни яратдик, ютиш учун гол уриш керак, биз буни амаллай олмадик. Улар яратилган вазиятдан унумли фойдаландилар. Умуман олганда яхши ўйнадик, айниқса иккинчи бўлимда. Биринчи бўлим ҳақида умуман гапирмайман. Чунки кеча, тунги 2 да Тошкентга учиб келдик. Йигитлар етарлича дам ололишмади. Мен бир нарсани тушунмайман, мартда 3 та ўйин , апрельда 3 та ва майда 3 та ўйин ўтказдик, а июньга келиб 8 та ўйин қўйиб қўйиш. Июльга келиб 10 та ўйин қилиб қўйишса ана кўрардингиз томошани.

- ПФЛ га эътирозингиз борми? Нимадан қониқмаяпсиз?
- Март ойида 5 та, апрельда 5 ўйин ташкил этишсин. Нега биз олдин чемпионатда 22 жамоа бўлиб ўйнасак 40 кунлаб дам олардик?! 9 куни футболчиларни 5 кунга қўйиб юбораман, ўзим мана неча йилдирки дам олиш нималигини билмайман. Буни тақвим тузаётганда ўйлаб кўриш керак. Бир йилда 180 га яқин футболчини кўрикдан ўтказаман. Шу футболчилардан менга 4 дона футболчи чиқса катта ютуқ бўлади. Аммо тарбиялаб ўстирганингиздан сўнг улар кетиб қоладилар.

- Кетиб қолишига сабаб балки бордир? Бекорга кетиб қолишмаса керак?
- Биласизми футболда шунақа, тўйган кўз бошқа жойга аланглай бошлайди. Нечта футболчи кетган бўлса уларнинг барчаси омадсизликка учраган. Бирортасини омади чопмаган.

- Бирортасини сотмаганмисиз?
- 26 йил давомида мен бирорта футболчи сотмаганман. Мен бизнесмен эмасман, Мен мураббийман