Грузия терма жамоаси сафида Хвича Кварацхелия кетма-кет иккинчи ўйинда гол урди.
"Наполи" ярим ҳимоячиси Гибралтарга қарши Миллатлар лигаси ўйинида (1:0, биринчи бўлим) 19-дақиқада пенальтини голга айлантирди.
Умуман олганда, 21 ёшли ярим ҳимоячи Миллатлар лигасининг олтита ўйинида аллақачон бешта гол урган.
Турнир тўпурарлари рўйхатида Хвича иккинчи ўринни Владислав Гутковский (Латвия) ва Александр Митрович (Сербия) билан бўлишиб турибди, уларда ҳам бештадан гол бор.
Норвегия терма жамоаси ҳужумчиси Эрлинг Холанд олтита гол билан пешқадамлик қилмоқда.
Жорий мавсумда Кварацхелия “Наполи” сафида 9 та ўйинда майдонга тушиб, 4 та гол урди ва 3 та голли узатмани амалга оширди.
