"Интер" ҳимоячиси Милан Шкриньяр қишки трансфер ойнасида футболчини ёзда қўлга киритишга уринган "ПСЖ"га ўтиши мумкин. Словакиялик футболчи ҳозирги жамоаси билан шартномани узайтириш борасида келиша олмаяпти. Бу ҳақда La Gazette Dello Sport хабар бермоқда.
Манба берган хабарга кўра, мавсум охирида "Интер" билан шартномаси тугайдиган Шкриньяр янги шартномага кўра, ҳар бир мавсум учун 7,5 миллион олмоқчи. Бироқ клуб унга 6 миллион евро + бонуслар таклиф қилмоқда. Агар томонлар келишмаса, январь ойидан Милан бошқа жамоалар билан музокара олиб бориши, 2023 йилнинг ёзида эса янги клубига текинга ўтиши мумкин бўлади.
27 ёшли Шкриньяр 2017 йилнинг ёзида "Сампдория"дан "Интер"га ўтган эди. Италия А Сериясининг жорий мавсумида ҳимоячи етти учрашувда қатнашди. Умуман олганда, Шкриньяр "Интер" сафида 224 та ўйинда 11 та гол урган.
