Инқирозга тушиб қолган ва кетма-кет олти ўйиндан бери ғалаба қозона олмаётган Англия терма жамоасининг муваффақиятсизликлари "шерлар" тез орада Гарет Саутгейт ўрнига янги мураббий олиб келиши мумкинлиги ҳақида гап-сўзларни келтириб чиқармоқда.

The Telegraph нашри Саутгейтни эгаллаши мумкин бўлган мураббийлар номини аниқлади. Номзодлар орасида нафақат Маурисио Почеттино, балки Брендан Рожерс ва Стив Купер ҳам Англия терма жамоасини бошқаришга асосий номзодлар сифатида тилга олинмоқда. Рожерснинг "Лестер"даги ишлари яхши эмас, чунки, унинг бошчилигидаги жамоа кетма-кет олтита ўйинда мағлубиятга учради.