Кеча Испания терма жамоаси Португалия устидан қозонилган 1:0 ҳисобидаги ғалабадан сўнг, Испания терма жамоаси бош мураббийи Луис Энрике матбуотга ўзининг жаҳон чемпионатига борадиган таркиби ҳақида гапирди.
“Ҳозирда захирада 26 тагача ўйинчи бўлиши мумкин, аммо бу ўйинчиларнинг соғлиғига таъсир қилиши мумкин. Бизда 26 ёки 24 кишидан иборат жамоа бўлади. Мен ҳали қарор қилганим йўқ.
Мен Ансу Фатининг "Барселона"да қандай ўйнашини кўришим керак, Аймерик Лапорт аллақачон тузалиб бўлди ва жамоаси билан машғулот ўтказмоқда... Жамоа танлаш қийин бўлади - мен кўрмоқчи бўлган ҳамма ҳам унда бўлавермайди, - деди Энрике.
Испаниянинг жаҳон чемпионати учун таркиби 10 ноябрь куни эълон қилинади.
