Испаниялик ҳужумчи Фернандо Льорентенинг фикрича, "Реал Мадрид" дунёдаги энг яхши жамоа ва у улар учун ўйнашни хоҳлайди.

“Мен оқ форма киймоқчиман. "Реал Мадрид" ҳозирда дунёнинг энг яхши жамоаси ва улар Чемпионлар лигасида нима қилаётгани ҳайратланарли. Қачонки у шу қадар узоққа борса, ғалаба қозониши мумкин", - дея 37 ёшли спортчининг сўзларидан иқтибос келтиради Marca.

Ҳужумчи, шунингдек, агар Карло Анчелотти унга қўнғироқ қилиб, Бенземани текинга алмаштиришни таклиф қилса, рози бўлишини айтди.
"Албатта. Нима учун йўқ", - қўшимча қилди у.

Фернандо "Атлетик", "Ювентус", "Севилья", "Суонси", "Тоттенхэм", "Наполи", "Удинезе" ва "Эйбар" клубларида ўйнаган.
Испания терма жамоаси таркибида жаҳон ва Европа чемпиони бўлди.