"Барселона" вице-президенти Эдуард Ромеу Каталония клуби "ПСЖ" ва Аргентина терма жамоаси ҳужумчиси Лионель Мессини ўз сафига қўшиб олиши мумкинлигини айтди.
"Агар Месси қайтса, бу эркин агент сифатида бўлади. Гарчи бу вариант бизнинг бюджетимизга киритилмаган бўлса-да. Бу трансфер амалга ошиши мумкин. Лео - клуб афсонаси, "Барселона" эса унинг уйи. Бироқ мен қарор қабул қилмайман",- деди Ромеу.
35 ёшли Месси жорий мавсумда "ПСЖ" сафида 11 та ўйинда майдонга тушиб, 6 та гол урди ва 8 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
