“Интер” ҳужумчиси Ромелу Лукаку “Рома” билан Италия чемпионатининг навбатдаги турида иштирок эта олмайди, деб хабар беради Football Italia.
Маълум бўлишича, бельгиялик яқинда машғулотларга қайтган, бироқ у қолган футболчиларга нисбатан алоҳида юкламалар асосида ишлайди. Лукаку 4 октябрга куни каталониялик "Барселона"га қарши бўлиб ўтадиган Чемпионлар лигаси ўйинидан олдин Италия клубининг асосий таркибига қайтишни режалаштирмоқда.
“Интер”нинг туркиялик ярим ҳимоячиси Хоқон Чалханўғли жароҳатидан фориғ бўлди ва бугун жамоа билан машғулот ўтказди. Мураббийлар штаби шанба кунги ўйинда футболчига умид боғлаши кутилмоқда.
“Интер” 1 октябрь куни “Рома”га қарши майдонга тушади. Терма жамоа учун ўйинда жароҳат олган хорватиялик Марсело Брозович ҳам учрашувда майдонга туша олмайди.
