"ПСЖ'нинг аргентиналик ҳужумчиси Лионель Месси парижликлар билан шартномасини узайтирмоқчи эмас, деб ёзади журналист Микель Бласкес ўзининг Твиттер саҳифасида.
Олдинроқ Месси ниҳоят Францияга мослашгани ва яна футболдан завқланаётганини айтганди. Шу билан бирга, "Барселона" аргентиналик ҳужумчини жамоага қайтариш имкониятини кўриб чиқаётгани хабар қилинганди.
Месси 2021 йилдан буён парижликлар сафида тўп тепади. Ҳужумчининг клуб билан шартномаси 2023 йилгача мўлжалланган.
Франция чемпионатида ўтказилган саккиз тур якунларига кўра, Месси тўртта гол урди ва еттита голли узатмани амалга оширди.
