Англия терма жамоасининг собиқ ҳужумчиси Габриэль Агбонлахор Гарет Саутгейтнинг фикрига қўшилмайди.
Англия терма жамоаси бош мураббийи "Ливерпуль" таркибида муҳим рол ўйнайдиган Трент Александр-Арнольдни терма жамоа сафида кўрмайди ва 23 ёшли ҳимоячидан кўра Киран Триппьерни афзал кўришини маълум қилган.
“Саутгейт Триппьерни ҳар жиҳатдан Трентдан яхшироқ деб ҳисоблайдими? Бу менга ҳақоратдек туюлади. Менга Триппьер ёқади, лекин Трент ҳамма нарсада устундир. Ҳа, Кайл Уокер ва Рис Жеймс яхшироқ кўринади, лекин Триппьер эмас. Ҳазилни четга суриб қўйинг, Гарет”, - деди “Астон Вилла”нинг собиқ ҳужумчиси talkSPORT билан суҳбатда.