"Реал" клуби "Манчестер Сити" вингери Жоау Канселуни ўз сафига қўшиб олмоқчи.

28 ёшли португалиялик футболчи аввалги мавсумда жуда муваффақиятли ўйнаб, Премьер-лиганинг рамзий жамоасидан жой олди. Diario AS нашри хабарига кўра, Канселунинг ўйини келаси ёзда қиммат трансферни амалга оширишга ҳаракат қиладиган "Реал" мутасаддиларини ҳайратда қолдирди.

Қанот ҳимоячисининг амалдаги шартномаси 2027 йилгача мўлжалланган, бу эса келишувни жиддий равишда мураккаблаштириши мумкин. Жоао Канселу жорий мавсумда “шаҳарликлар” сафида ўнта ўйинда майдонга тушиб, битта гол урди ва учта голли узатмага муаллифлик қилди.