“Ливерпуль” ва Англия терма жамоасининг собиқ футболчиси Жейми Каррагер “Арсенал” клубининг Премьер-лигада муваффақиятли ўйинлари ҳақида ўз фикрлари билан ўртоқлашди.
"Агар сиз "Арсенал" ўйинларини кўрсангиз, жамоа ўзгарганини сезасиз. Энди у чиндан ҳам чемпионлик унвонига даъвогардек кўринмоқда. Мен Микель Артетанинг иқтидорининг ашаддий мухлисиман. Салиба ва Жесуснинг шартнома имзолаши билан “канонирлар” анча кучайишди. Бундай ўйин билан улар Премьер-лигадаги ғалабага яқинроқ бўлишди", - деди Каррагер Talksport билан суҳбатда.
Етти турдан сўнг Артетанинг шогирдлари энг яқин таъқибчидан бир очкога олдинда боришмоқда ва турнир жадвалида биринчи ўринни эгаллаб туришибди.
