Қатарда бўлиб ўтадиган Жаҳон чемпионати ташкилий қўмитаси Hummel кийим-кечак брендининг Дания терма жамоаси либосим борасида йўллаган эътирозига муносабат билдирди.
Эслатиб ўтамиз, Hummel компанияси ўз логотипи ва машҳур чевронларни футболка билан деярли бир хил рангда ясаган. Бунга минглаб одамлар ҳалок бўлган турнирда компанияни реклама қилмаслик истаги сабаб бўлган.
"2022 йилги Жаҳон чемпионатига мезбонлик қилиш ҳуқуқини қўлга киритгач, ташкилий қўмита турнир учун абадий мерос устида ишламоқда. Шу сабабли, биз Hummel компаниясининг ушбу турнир минглаб одамларнинг ҳаётига зомин бўлган деган даъвосига қарши чиқамиз. Биз стадионлар қурилишида иштирок этган 30 000 ишчи хавфсизлигини таъминлашдаги хизматларимизни камситишни рад этамиз”, — дейилади ташкилий қўмита расмий баёнотида.
Қатардаги Жаҳон чемпионати икки ойдан камроқ вақт ичида бошланади. Очилиш учрашувида мезбонлар 20 ноябрь куни Эквадор билан куч синашади. “Д” гуруҳида Дания Франция, Австралия ва Тунис терма жамоалари билан куч синашади.
