"ПСЖ" ҳужумчилари Неймар ва Килиан Мбаппе ўртасидаги зиддият тўхтамаяпти. Бу ҳақда Footmercato нашри хабар бермоқда. Бразилиялик ҳужумчини жамоадошининг такаббур хатти-ҳаракати безовта қилмоқда.
Шу билан бирга, манба таъкидлаганидек, томонлар Париж клубини ҳурмат қилади ва можарони кўз-кўз қилмоқчи эмас. Неймар ва Мбаппе ўзларининг антипатияларига қарамай, жамоада яхши муҳитни сақлаб қолишни исташади.
Жорий мавсумда бразилиялик футболчи Лига 1нинг 8 та учрашувида 8 та гол урди ва 7 та голли узатмани амалга оширди. Ўз навбатида Мбаппе 7 та учрашувда 7 та гол урди.
