"ПСЖ" ҳужумчилари Лионель Месси ва Килиан Мбаппе бугун эрталаб ўз жамоаси билан машғулот ўтказмади. Бу ҳақда франциялик журналисти Адриен Гренье ўзининг ижтимоий тармоқларида хабар бермоқда.
Қайд этилишича, Месси ва Мбаппедан ташқари, “Лион” билан ўйинда жароҳат олган ярим ҳимоячи Марко Верратти ҳам парижликлар машғулотларида иштирок этмаган.
"ПСЖ" учун яхши хабарлардан бири шундаки, ярим ҳимоячи Ренату Саншеш умумий гуруҳдаги машғулотларни қайта бошлади. Эслатиб ўтамиз, португалиялик футболчи жароҳат туфайли мавсум бошида бир нечта ўйинни ўтказиб юборганди.
