Ўтган сешанба куни "Ливерпуль" футболчиси Алекс Окслейд-Чемберлен ва машҳур қўшиқчи Перри Эдвардснинг уйини ўғри уриб кетди.

Evening Standard нашрининг ёзишича, ўғирлик кечга яқин, эр-хотин ёш боласи билан Уимслоудаги уйда бўлганида содир бўлган. Заргарлик буюмлари ва дизайнерларнинг сумкалари йўқолган. Чешир полицияси сешанба куни маҳаллий вақт билан соат 22:45 да ҳуқуқ-тартибот идоралари ходимлари ўғирлик қўнғироғига жавоб беришганини ва ҳозирда тергов олиб боришганини эълон қилди.

Эслатиб ўтамиз, ярим ҳимоячи "Кристал Пэлас"га қарши ёзги ўртоқлик ўйинидан буён майдонга тушмади, жароҳат сабаб бир неча ойни ўтказиб юборди.