“Манчестер Юнайтед” ярим ҳимоячиси Донни ван де Бек аввалроқ “Олд Траффорд”ни тарк этмоқчи эди. Бунга нафақат ўйин вақтининг камлиги, балки баъзи футболчиларнинг машғулотларга доимо кечикиб қолишларига қарамай, асосий таркибда майдонга тушгани ҳам сабаб бўлди.

"Унинг рақобатчиси Поль Погба эди, у доимо машғулотларга кечикиб борарди. У узр сўради, кейин унга асосий таркибда майдонга тушишга рухсат берилди. Донни ўз даражасини кўрсатиш учун 8 ҳафта давомида кунига 10 соат машқ қилди, лекин барибир асосий таркибга киритилмади. Шу сабабли ван де Бек бир вақтлар кетмоқчи бўлганди", — деди собиқ агент Гвидо Алберс Goal.com порталига берган интервьюсида.

Эслатиб ўтамиз, ван де Бек "Манчестер Юнайтед"да 2020 йилнинг ёзидан буён ўйнаб келмоқда.