Америкалик тадбиркор Тодд Боэли бошчилигидаги консорциум яқинда Франциянинг "Лион" клубини сотиб олишга уриниб кўрди. Журналист Низар Кинселланинг сўзларига кўра, “Челси” эгалари Лига 1дан клуб сотиб олишни якунлай олмадилар.
Аввалроқ, Тодд Боэли консорциуми "Челси"нинг фарм-клубига айланадиган жамоани сотиб олмоқчилиги ҳақида миш-мишлар тарқалган эди. Манбанинг хабарига кўра, Португалия чемпионатида тўртинчи ўринда бораётган "Портимоненсе" клубини қўлга киритиш бўйича музокаралар олиб борилмоқда.
Эслатиб ўтамиз, Лондоннинг "Челси" клуби Англия Премьер-лигасида ўтказган 6 ўйиндан сўнг турнир жадвалида еттинчи ўринда бормоқда.
