Бразилия терма жамоасининг собиқ аъзоси Ромарионинг фикрича, мамлакат Олимпия терма жамоаси бош мураббийи Мано Менезес сўнгги таркибни аниқлашда ҳамда 23 ёшдан катта бўлган уч нафар футболчини танлашда хатога йўл қўйган.
Ромарионинг фикрича терма жамоага жалб этилган 23 ёшдан катта футболчилар Тиаго Сильва, Халк ва Марселолардан кўра Менезес тажрибали ҳимоячиларни таркибга жалб этиши керак экан.
"Таркиб ахлатнинг ўзи. Таркибни танлаганларга қарши нимадир демоқчи эмасман. Бироқ, бундан ҳам тажрибалироқ футболчиларни таркибга киритиш мумкин эди" дедйи Ромарио.
"Мен мураббий эмасман, лекин ушбу танловларга қаршиман. Мен 23 ёшдан катта тажрибали ҳимоячиларни таркибга жалб этган бўлардим. Халк ажойиб футболчи ва унинг келажаги бор, бироқ у 2014 йилги жаҳон чемпионатининг футбочиси, Олимпиаданинг эмас."
"Бизда 23 ёшдан катта бир нечта футболчилар бор ва биз жамоа орасида ҳурматга эга футболчиларни чақиришимиз лозим эди" дедйи 1994 йилги жаҳон чемпиони.
Эслатиб ўтамиз, Неймар, Гансо, Леандро Дамиао, Пато каби футболчилардан таркиб топган Бразилия олимпия терма жамоаси Олимпиада баҳсларида "С" гуруҳидан жой олган бўлиб, унда Миср, Беларусия ва Янги Зеландия олимпиячиларига қарши баҳс олиб боришади.
