Футзал бўйича Ўзбекистон миллий терма жамоамиз Осиё кубоги гуруҳ босқчи 2-турида Тожикистон устидан 3:2 ҳисобида ғалаба қозонди.
Термамиз аъзоси Даврон Чориев ўйиндан сўнг ўз фикрларини билдирди.
"Ғалаба доим бизга қувонч бахш этган, бундан хурсандмиз. Муваффақиятимизни Ўзбекистонга бағишлаймиз, бу ғалаба бизни янада кучли қилади. Мусобақада биринчи ўринни олишга ҳаракат қиламиз.
Бу ўйинга тайёргарлигимиз ғалабанинг асосий омили бўлди. Иккинчи таймда озгина ташаббусни рақибга бериб қўйдик, ўйинимиз қовушмади. Асосийси ғалаба қозондик", - деди Чориев.
