Futzal bo‘yicha O‘zbekiston milliy terma jamoamiz Osiyo kubogi guruh bosqchi 2-turida Tojikiston ustidan 3:2 hisobida g‘alaba qozondi.
Termamiz a’zosi Davron Choriyev o‘yindan so‘ng o‘z fikrlarini bildirdi.
"G‘alaba doim bizga quvonch baxsh etgan, bundan xursandmiz. Muvaffaqiyatimizni O‘zbekistonga bag‘ishlaymiz, bu g‘alaba bizni yanada kuchli qiladi. Musobaqada birinchi o‘rinni olishga harakat qilamiz.
Bu o‘yinga tayyorgarligimiz g‘alabaning asosiy omili bo‘ldi. Ikkinchi taymda ozgina tashabbusni raqibga berib qo‘ydik, o‘yinimiz qovushmadi. Asosiysi g‘alaba qozondik", - dedi Choriyev.
