"Манчестер Юнайтед" қизиқиш билдираётган ПСВ ярим ҳимоячиси Коди Гакпога Англиянинг яна икки клуби даъвогарлик қилмоқда.
Football Transfers нашри хабарига кўра, нидерландиялик футболчига "Саутгемптон" ва "Эвертон" фаол қизиқиш билдирмоқда.
Ҳозирда Гакпо Нидерландия клуби сафида тўп сурмоқда ва барча мусобақаларда 13 учрашувда 10 та гол урди. Агар Коди яхши ўйин кўрсатса, жамоалар уни қишки трансфер ойнасидаёқ сотиб олишлари мумкин.
Қайд этилишича, ПСВ футболчи учун юқори нарх белгиламоқчи. “Қизил-оқлар” футболчи билан 45 миллион евродан кўпроқ эвазига хайрлашмоқчи. Гакпонинг нархи кўп жиҳатдан Нидерландия терма жамоасининг ЖЧ-2022даги ўйинига боғлиқ бўлади. Қатардаги Жаҳон чемпионати 20 ноябр куни бошланади.
